Bunaa fi Sha'ee Baayyee Ho'aa Dhuguun Carraa Dhibee Kaanserii Ujummoo Nyaataa Dabala

Qorannoon Yunivarsiitii Oksifoord Yunaayitid Kingidam (UK) tti gaggeeffame akka mul'isetti, sha'ee ykn buna baayyee ho'aa ta'e dhuguun carraa dhibee kaanseriif saaxilamuu harka sadiin dabala. Qorannoo kana keessatti namoonni umurii giddu galeessa ta'erratti argaman 977,282 hirmaataniiru. Dhugaatiin digirii seelshiyesii 65 ykn isaa oliin ho'e seelota ujummoo ittiin nyaata liqimsinu (Esophageal cancer) miidhuun balaatiif nama saaxila. Guyyaa tokko keessatti burcuqqoo ja'a ykn isaa ol waan ho'aa ta'e dhuguun carraa saaxilamuu kana ol guddisa. Qorattoonni akka ibsanitti, dhugaatii ho'aa irratti aannan dabaluun hanga ta'e kan qabbaneessu ta'us, ho'i isaa ol aanaa yoo ta'e miidhaa fiduu danda'a. Beektonni sha'ee ykn buna hanga qabbanaa'utti daqiiqaa muraasaaf eeganii dhuguun gaarii akka ta'e gorsu. Walumaagalatti carraan dhibee kaanserii ujummoo soorataan qabamuu gadi aanaa ta'us, dhugaatii baayyee ho'aa ta'e dhuguu dhiisuudhaan kaanserii ujummoo soorataa 10 keessaa tokko ykn dua oolchuun ni danda'ama.