ብጣዕሚ ዝረሰነ ቡን ወይ ሻሂ ምስታይ ንሓደጋ ካንሰር መግቢ ሕቖ ከምዝውስኾ ሓደ መፅናዕቲ ኣመልኪቱ

ኣብ ዩኒቨርሲቲ ኦክስፎርድ ዓዲ እንግሊዝ ዝተገብረ መፅናዕቲ ከም ዘርኣዮ፡ ብጣዕሚ ዝረሰነ ሻሂ ወይ ቡን ምስታይ ንሓደጋ ካንሰር መግቢ ሕቖ (Esophageal cancer) ብሰልስቲኡ ዕፅፊ ይውስኾ። ኣብቲ መፅናዕቲ 977,282 ማእከላይ ዕድመ ዘለዎም ሰባት ዝተሳተፉ እንትኾኑ፡ ካብ 65 ዲግሪ ሴልሺየስ ንላዕሊ ዝረሰኑ መስተታት ምስታይ ንሴላት መግቢ ሕቖ ከምዝጎድእ ተሓቢሩ። ኣብ መዓልቲ ሽዱሽተ ወይ ካብኡ ንላዕሊ ዝረሰነ መስተ ምስታይ ነቲ ሓደጋ ብዝበለፀ ይውስኾ። ንመስተታት ወተት ምውሳኽ ቁሩብ ከም ዝዝሕህሎም እንተገበረ እውን፡ እቲ መስተ ብጣዕሚ ዝረሰነ እንተደኣ ኮይኑ ግን ነቲ ሓደጋ ከምዘየተርፎ ተመራመርቲ ገሊፆም። ክኢላታት ጥዕና ዝኾነ ዝረሰነ መስተ ቅድሚ ምስታይና ንሒደት ደቂቃ ክዝሕል ምፅባይ ከምዝግባእ ይመክሩ። እዚ ዓይነት ካንሰር ብሓፈሻ ትሑት ዝርገሐ ዘለዎ እንተኾነ እውን፡ ዝረሰነ መስተ ካብ ምስታይ ብምእላይ ካብ 10 ካንሰር መግቢ ሕቖ ነቶም ሓደ ወይ ክልተ ምከላኸል ከምዝከኣል ተሓቢሩ።