Raashiyaan Naannoo Kaaliningiraad Irratti Haleellaan Yoo Raawwatame Meeshaa Niwukilaraa Fayyadamuu Akka Dandeessu Beeksifte

Pirezidaantiin Raashiyaa Vilaadimir Puutin naannoo isaanii Kaaliningiraad jedhamurratti yoo haleellaan kallattii raawwatame yookiin uggurri kaawwame, meeshaa waraanaa niwukilaraa dabalatee humna qaban dhan itti fayyadamuf qophii ta'uu beeksisaniiru. Kaaliningiraad kutaa Raashiyaa Galaana Baaltik daangessuufi kutaa Raashiyaa biroorraa qofaatti adda bahee biyyoota miseensa NATO ta'an Poolaandfi Lituyeeniyaan daangeffamee jirudha. Fooramii immaammata alaa Vaaldaayi irratti kan dubbatan Putiin, biyyoonni Lixaa Raashiyaan bara 2029 yookiin 2030 keessa waraana eegaluuf qophiitti jiraachuu dubbataniif deebii kennaniiru. Raashiyaan eenyuunyyu uumataan doorsisaa akka hin jirreufi waraana eegaluuf karoora akka hin qabne, garuu yoo haleellawwan irratti raawwatame deebii laachuuf dirqama ta'uu dubbataniiru. Leenjiin waraanaa NATO'n Galaana Baaltikirratti taasisu Kaaliningiraadif yaaddoo cimaa uumuu kan ibsan Putiin, waraana Yukireen irrattis deebii deebisaa jiraachuu eeraniiru. Barreessaa Olaanaa NATO Maark Rutte gama isaaniin sochiiwwan tumsichaa Raashiyaarratti yaaddoo kan uuman miti jechuun, doorsisni niwukilaraa Raashiyaa barbaachisaa kan hin taane ta'uu dubbataniiru. Biyyoonni ollaa akka Poolaand fi Lituyeeniyaa gama isaaniitiin diroonii fi helikooptaroota Raashiyaatiin daangaan isaanii sarbamuu fi ummanni isaanii sodaa keessa jiraachuu ibsaniiru.