ሩሲያ በካሊኒንግራድ ላይ ጥቃት ከተፈጸመ የኑክሌር መሳሪያዎችን ለመጠቀም ዝግጁ መሆኗን አስጠነቀቀች

የሩሲያው ፕሬዝዳንት ቪላዲሚር ፑቲን ምዕራባውያን ሀገራት የሩሲያ ግዛት የሆነችውን ካሊኒንግራድን ለመዝጋት ወይም ጥቃት ለማድረስ ቢሞክሩ ሩሲያ የኑክሌር መሳሪያዎችን ጨምሮ ማንኛውንም አይነት የጦር መሳሪያ ለመጠቀም ዝግጁ መሆኗን አስረድተዋል። ፑቲን በቫልዳይ የውጭ ፖሊሲ ፎረም ላይ ባደረጉት ንግግር የኔቶ ወታደራዊ ልምምዶች አካባቢውን እያሰጉት መሆኑን ገልጸው፣ ነገር ግን ሩሲያ በቅድሚያ ማንንም የመውጋት እቅድ የላትም ብለዋል። የኔቶ ዋና ፀሐፊ ማርክ ሩተ በበኩላቸው የስጋት ማስጠንቀቂያው አላስፈላጊ መሆኑን ገልጸው፣ የኔቶ እንቅስቃሴዎች በሩሲያ ላይ የተቃጣ ስጋት እንዳልሆኑ ገልጸዋል። በባልቲክ ባህር አቅራቢያ የሚገኙ የፖላንድ እና ሊቱዌንያ ሀገራት በበኩላቸው በሩሲያ ድሮኖች እና ሄሊኮፕተሮች ድበር መጣስ ምክንያት የደህንነት ስጋት እንዳደረሰባቸው አስታውቀዋል።