Mootummaan Feedeeraalaa Bulchiinsa Cehumsaa Haaraa Naannoo Tigraay Keessatti Dhaabuuf Hojjechaa Jira

Mootummaan feedeeraalaa naannoo Tigraay keessatti mootummaa cehumsaa haaraa hatattamaan gara filannootti cehasisu dhaabuuf socho'aa jiraachuu Dr. Abrahaam Belaay ibsaniiru. Dr. Abrahaam Yuuboo Saayinsii fi Teeknooloojii Naannawa Nuukileraa ta'uun kan muudaman yoo ta'u, caasaa bulchiinsaa haaraan kun ganda irraa eegalee hirmaannoo ummatiin akka dhaabbatuus ibsaniiru. Ji'oota muraasa keessatti filannoo naannichaa gaggeessuuf qophiin bal'aan taasifamaa jiraachuus dubbataniiru. Rayyaan ittisa biyyaa magaalaa Makallee to'annoo jala oolchuu hordofee, humni TPLF magaalattii gadi dhiisee qabsoo hidhannootti akka deebi'u beeksiseera. Dr. Abrahaam dabalataanis waraana dhiyeenya kana ta'e keessatti loltoonni Eertiraa hirmaachuu fi hedduun isaanii booji'amuu eeraniiru; ta'us ministeerri odeeffannoo Eertiraa himata kana kanaan dura kufaa taasiseera.