ኣብ ትግራይ ናብ መረፃ ዘሰጋግር ሓዲሽ ግዝያዊ ምምሕዳር ንምቛም ይስራሕ ኣሎ ተባሂሉ

መንግስቲ ፌዴራል ኣብ ክልል ትግራይ ቀልጢፉ ናብ መረፃ ዘሰጋገር ሓዱሽ ግዝያዊ ክልላዊ መንግስቲ ከቝም ይንቀሳቐስ ከምዘሎ ዶክተር ኣብርሃም በላይ ገሊፁ። ኣብ ቀረባ እዋን ኮሚሽነር ኮሚሽን ማእከል ኑክሌር ኰይኑ ዝተሾመ ኣብርሃም ምስ መንግስታዊ ቴሌቪዥን ኣብ ዝገበሮ ቃለ መሐትት፡ እቲ ሓዱሽ ምምሕዳራዊ መሓውራት ካብ ቀበሌ ጀሚሩ ብተሳትፎ ህዝቢ ዝቘም ምዃኑን ኣብ ውሽጢ ኣዋርሕ ክልላዊ መረጻ ንምክያድ ምድላዋት ይግበር ከምዘሎን ተናጊሩ። እዚ ምዕባለ ዝስዕብ ዘሎ ሓይልታት ፈዴራል ንከተማ መቐለ ምስ ተቘፃፀሩን መንግስቲ ትግራይ ካብታ ከተማ ወፂኡ ዕጥቃዊ ቃልሲ ከምዝቕፅል ምስ ኣፍለጠን እዩ። ብተወሳኺ ዶክተር ኣብርሃም ኣብቲ ውግእ ኣባላት ሰራዊት ኤርትራ ተሳቲፎምን ተማሪኾምን እዮም ብምባል ዝከሰሰ እንተኾነ፡ ኤርትራ ንኸምዚ ዝበለ ክሲ ቅድም ክብል ከም ዝነጸጎቶ ይዝከር።