Sochochi Hootii naannoo Garba Diimaa fi Gaanfa Afrikaa keessatti dhiibbaa isaa bal'isaa jiraachuun ibsame

Sochochi Hootii Yaman erga lafa istiraateejawaa dhiphoo Baab el-Mandaab to'atee booda, naannoo Garba Diimaa fi Gaanfa Afrikaa keessatti dhiibbaa isaa bal'isaa jira. Riporotni Dhaabbata Mootummoota Gamtoomanii fi dhaabbata 'Century Foundation' akka agarsiisutti, Hootiin garee hidhattoota Soomaaliyaa Al-Shabaab waliin hariiroo fi deeggarsa jabeessaa jira. Hariiroon kunis meeshaa waraanaa seeraan ala daddabrsuu, leenjii waraanaa fi teeknikaa ta'e, akkasumas teeknoolojii diroonii fi boombii hojechuu irratti deeggarsa kennuu kan hammatudha. Akka ripoortichaatti, leenjifamtoonni Soomaaliyaa Dhibba Afur (400) ta'an leenjii waraanaa fi ilaalchaa Yaman keessatti kan fudhatan ta'uu fi ogeeytonni Hootii gara naannoo Al-Shabaab to'atuuttii imaluun leenjii kennuu isaanii ibsameera. Hootiin Sudaan, Eertiraa fi Jibuutii keessattis socho'uun dhiibbaa isaa bal'isuuf hojjechaa kan jiru ta'uun eerameera.