Yaadannoo Waggaa 13ffaa Balaa Doonii Lampedusaatti Namoota 368 Galaafate Yaadatame

Lammileen 368 balaa doonii waggaa 13 dura odola Xaaliyaanii Lampedusa irratti dhabamaniif sagantaan yaadannoo geggeeffameera. Dooniin bara 2013 Liibiyaa irraa ka'te kun balaa abiddaatiin kan dhimmiste yoo ta'u, namoonni keessatti dhuman hedduun isaanii lammilee Eertiraati. Sagantaan yaadannoo waggaa 'Guyyaa Yaadannoo fi Simannaa' jedhamuun beekamu kun እ.ኤ.አ bara 2016 jalqabe. Barana mata duree "Sagalee Meeditiraaniyaan" jedhuun baratoota, warra balaa irraa oolanii fi hawaasa naannoo hirmaachisuun mariilee fi kadhannaawwan amantaa garagaraa geggeeffamaniiru.