የኢትዮጵያ እና የኤርትራ ውጥረት ወደ የተባበሩት መንግስታት ጸጥታው ምክር ቤት አቅንቷል

ኢትዮጵያ እና ኤርትራ በሉዓላዊነት ጥሰት እና በጦርነት አዋጅ በመካሰስ ጉዳያቸውን ወደ ተባበሩት መንግስታት የጸጥታው ምክር ቤት ወስደዋል። በጥቅምት ወር መጀመሪያ ላይ የኢትዮጵያ የውጭ ጉዳይ ሚኒስቴር ጌዲዮን ጢሞቴዎስ፣ የኤርትራ መካናይዝድ ጦር 30 እስከ 60 ኪሎ ሜትር ወደ ትግራይ ክልል ዘልቆ በመግባት የኢትዮጵያን ሉዓላዊነት እንደጣሰ በመግለጽ ሀገሪቱ ራሷን የመከላከል መብት እንዳላት አስታውቀዋል። በበኩሏ ኤርትራ፣ የኢትዮጵያ የባህር በር ፍላጎት የጦርነት አዋጅ መሆኑን በመግለጽ፣ የጸጥታው ምክር ቤት በኢትዮጵያ ላይ ማዕቀብ እንዲጥል ጠይቃለች።

ሁለቱ ሀገራት በዲፕሎማሲያዊ መንገድ ከመፍታት ይልቅ ወደ ጦርነት መቃረባቸው ለቀጣናው ሰላም ስጋት ሆኗል። የፖለቲካ ተንታኞች እንደሚጠቁሙት፣ የጸጥታው ምክር ቤት የቬቶ መብት ባላቸው አምስት ቋሚ አባላት መካከል ባለው የፍላጎት ልዩነት የተነሳ፣ አፋጣኝ እና ውጤታማ እርምጃ ለመውሰድ አስቸጋሪ ሊሆን ይችላል። የድርጅቱ ዋና አላማ ሰላምን ማስከበር ቢሆንም፣ የሀገራቱ የፖለቲካ ጥቅማጥቅም ግጭቶችን ለመፍታት እንቅፋት ሆኖ ቆይቷል።