Nyaata gogaa keenya fayya qabeessa ta'uuf gargaaran

Qorannoowwan akka agarsiisanitti, nyaanni madaalamaa fayyummaa gogaafi dargaggummaa keenya eeguuf gahee guddaa qaba. Ogeeyyonni akka jedhanitti, faalama qilleensaa, ibiddii aduu fi dullumni gogaan keenya akka miidhamaa deemu taasisu. Nyaanni akka kaarootii, tamaatii, maangoo fi quunchoon (peanut) antii-oksidaantii, vaayitamin C, vaayitamin E, fi oomeegaa faatii asiidii qabuun gogaa keenya miidhaa irraa ittisu. Qorannoowwan akka mul'isanitti, nyaanni kunniin koolaajinii guddsuun gogaan keenya akka hin dadhabneefi xaxamaa akka hin taane gargaaru. Kana malees, ogeeyyonni gogaan keenya aduu irraa akka hin miidhamneef saansikiriinii fayyadamuu cinaatti, nyaata madaalamaa nyaachuun gogaa keenya keessaa ittisuu akka danda'u gorsa kennu.