Godina Arsii, Aanaa Shirkaatti erga miidhaan qaqqabee booda namoonni 20 ol qabaman

Godina Arsii, Aanaa Shirkaatti miidhaan erga qaqqabee booda namoonni 20 ol ta'an humnoota nageenyaan qabamuun isaanii gabaafame. Jiraattonni akka jedhanitti, namoonni kunneen miidhaa qaqqabee booda gargaaruuf ykn awwaalchaaf kan deeman yoo ta'u, erga haleellaan suukanneessaan qaqqabee booda qabaman.

Namoonni kunneen haleellaa raawwataniif gargaarsa taasisaniiru jedhamanii kan shakaman ta'us, jiraattonni himannaan kun soba fi kan hin dhugoomne akka ta'e dubbatu. Humni nageenyaa namoota kana gargaarsa gootan jechuun kan qabaman yoo ta'u, bulchiinsi aanaa fi godinichaa ammaa ammaa deebii kennuu hin dandeenye. Torban darbe qofa haleellaa aanaa Shirkaa fi Martiitti qaqqabeen namoonni 60 ol ta'an du'uun isaanii ni yaadatama.