Jilaan Eritriyaa Sadarkaa Ol'aanaa Washiingtanitt Ambaasaaddaroota Ameerikaa Wajjin Mari'ate

Jilaan sadarkaa ol'aanaa Ministeera Dantaa Alaa Eritriyaa Usmaan Saalihiin dursamu Washiingtan keessatti qondaaltota ol'aanaa Ameerikaa wajjin hariiroo biyyoota lamaanii, daldala, invesitmentii fi nageenya naannoo irratti mari'ateera. Mariin kun Onkoloolessa 01 kan geggeeffame yoo ta'u, Itti Aantuu Barreessaa Dantaa Alaa Ameerikaa Alison Hooker fi Gargaaraa Barreessaa Dantaa Alaa Frank Garcia wajjin ta'uusaa ibsameera. Ministeerichi dhorkaa diinagdee Ameerikaan Eritriyaa irratti keessessaa turte guutummatti kaasuusheef galateeffataniiru. Dhorkaan sun Raayyaa Ittisaa Eritriyaa, PFDJ, Red Sea Trading Corporation fi qondaaltota ol'aanoo irratti murtaa'ee kan ture dha. Biyyoonni lamaan hariiroo haarawa seenaa keessatti wal-kabaja fi wal-gargaarsa irratti hundaa'e uumuuf walii galaniiru. Eritriyaan nageenya Naannoo Gaafa Afrikaa, Galaana Diimaa fi Laga Niil keessatti shoora olaanaa taphachuu akka haftu ibsiteetti.