ሩሲያ በኢትዮጵያና ኤርትራ መካከል ለሚካሄድ ድርድር ለመሸምገል ፈቃደኛ መሆኗን ገለጸች

የሩሲያ የውጭ ጉዳይ ምክትል ሚኒስትር አሌክሳንደር አሊሞቭ፤ በቅርቡ በሚካሄደው የሩሲያ-አፍሪካ ጉባኤ ጎን ለጎን ኢትዮጵያ እና ኤርትራ በሁለቱ ሀገራት መካከል ያለውን ውጥረት እንዲፈቱ ለማሸማገል ሩሲያ ዝግጁ መሆኗን ገልጸዋል። አሊሞቭ ሁለቱንም ሀገራት የሩሲያ የቅርብ አጋሮች ሲል የገለጻቸው ሲሆን፤ ግጭቶችን ለማስወገድ እና በውይይት ለመፍታት ጥሪ አቅርቧል። ጠቅላይ ሚኒስትር አቢይ አህመድ እና የኤርትራው ፕሬዚዳንት ኢሳያስ አፈወርቂ በሞስኮ በሚካሄደው ጉባኤ ላይ እንደሚሳተፉ ይጠበቃል። ይህ የዲፕሎማሲያዊ ጥረት እየተደረገ ያለው፤ የሁለቱ ሀገራት ግንኙነት በቅርቡ በሰሜን ኢትዮጵያ በነበረው ሁኔታ ምክንያት ወደ ውጥረት በገባበት ወቅት ነው። የኢትዮጵያ እና የኤርትራ ውጭ ጉዳይ ሚኒስትሮች የየሀገራቸውን አቋም ለተባበሩት መንግስታት የጸጥታው ምክር ቤት በደብዳቤ ማሳወቃቸው ይታወሳል። የተባበሩት መንግስታት ዋና ጸሐፊ አንቶኒዮ ጉተሬዝ በአካባቢው እየተፈጠረ ባለው ወታደራዊ ውጥረት መበሳጨታቸውን ገልጸው፤ ሁሉም ወገኖች የፕሪቶሪያውን የሰላም ስምምነት እንዲያከብሩ ጥሪ አቅርበዋል።