Rakkoo nageenyaa cimaa Itoophiyaa keessatti: Torban tokko keessatti namoonni 90 ol ajjeefaman

Itiyoophiyaa kaabaatti waraanni jiraatus, torban dabre keessa naannoolee garaagaraatti haleellaa fi walitti bu'iinsa uumameen namoonni 90 ol ajjeefamuun gabaafame. Haleellaan kunneen keessattuu naannoo Oromiyaa, Moyyaalee fi naannoo Itoophiyaa Kibbaa keessatti kan raawwataman ta'uun ibsameera. Godina Arsii qofaatti namoonni 60 ol ajjeefamaniiru; Waldaa Ortodoksii Itoophiyaattis lubbuun namoota kanaa darbuusaa mirkaneessiteetti. Kana malees, warshaan sukkaaraa Finchaa haleellaa raawwatameen hojjettoonni fi humnoonni nageenyaa 8 ajjeefamaniiru.

Moyyaalee keessatti walitti bu'iinsa daangaa Oromiyaa fi Somaalee irraa ka'een namoonni 9 du'anii, 30 immoo madaa'aniiru. Godina Burjii, naannoo Itoophiyaa Kibbaatti immoo qonnaan bultoonni 5 hidhattootaan ajjeefamaniiru. Mootummaan haleellaa kana kanneen raawwatan, xiyyeeffannoo mootummaa federaalaa kaaba irraa gara biraatti dabarsuuf yaalani jedheera.