Adeemsa yaalii guddistuu qaama saalaa dhiiraa fi balaa fayyaa walqabatu

Adeemsi yaalii guddistuu qaama saalaa dhiiraa (Penile filler) biyya Ingiliz keessatti jaalatamaa dhufus, Waldaan Ogeeyyotaa Ispeeshilaayizii urolójii Biriiteen dhimma kana irratti akeekkachiisa kennee jira. Yaalichi 'hyaluronic acid' fayyadamuun kan raawwatamu yoo ta'u, biyya Ingiliz keessatti to'annoo cimaa kan hin qabne fi galmee seera qabeessa kan hin qabne dha. Namni kamiyyuu yaalicha kennuu danda'uun isaa balaa fayyaa cimaa fiduu danda'a. Namoonni tokko tokko bu'aa isaa yoo jaalatan, kanneen biroo garuu gogaan isaanii miidhamee gara kutaa yaalii hatattamaa seenaniiru.