መስርሕ ሕክምና መትሎ ምዕባይ (Penile filler)ን ዘስዕቦ ሓደጋን

ኣብ ዓባይ ብሪጣንያ ንመትሎ ዘርጕድ ሕክምና (Penile filler) ተፈታዊነቱ እናዓበየ ክነሱ፡ ማሕበር ሓኻይም ዩሮሎጂያዊ መጥባሕቲ ብሪጣንያ ግን መጠንቀቕታ ኣውፂኡ ኣሎ። እቲ ሕክምና 'ሃያሉሮኒክ ኣሲድ' ብምጥቃም ዝግበር ኮይኑ፡ ኣብቲ ሃገር ኣብቲ ዓውዲ ዘሎ ሕጊ ስለ ዘይተሓለወን ወግዓዊ መዝገብ ስለ ዘየለ ንሰባት ንሓደጋ ዘቃልዕ እዩ። ማንም ሰብ ክህቦ ዝኽእል ሕክምና ስለ ዝዀነ፡ ገለ ተጠቃምቲ ዘለዎም ቅሬታ ኣብ ግምት ብምእታው ሓያሎ ሰባት ሕማም ቆርበት ወይ ካልእ ሓደጋ ኣጋጢምዎም ናብ ህጹጽ ረዲኤት ከም ዝኣተዉ ተሓቢሩ። እቲ ሕክምና ካብ 10 ክሳብ 20 ሚእታዊት ንርጕዲ መትሎ ከም ዘዕቢ ይግለጽ።