የዲጂታል ክፍያ እያደገ ቢሆንም የኤቲኤም አገልግሎት ፍላጎት አልቀነሰም

በኢትዮጵያ የዲጂታል ክፍያ ስርዓቶች በስፋት ቢስፋፉም፣ የኤቲኤም ማሽኖች ቁጥር እና አጠቃቀም አሁንም እያደገ መሆኑን የኢትዮጵያ ብሔራዊ ባንክ እና የኢትስዊች መረጃዎች ያሳያሉ። በኢትዮጵያ ብሔራዊ ባንክ መረጃ መሰረት፣ የኤቲኤም ማሽኖች ቁጥር ከሰኔ 2016 እስከ ሰኔ 2017 ዓ.ም ከ10,551 ወደ 13,313 ከፍ ብሏል።

ከዚህ በተጨማሪም በዓመቱ የኤቲኤም ግብይቶች ቁጥር በ18.6 በመቶ ጭማሪ አሳይቷል። ይሁን እንጂ የዲጂታል ክፍያዎች ከኤቲኤም ግብይቶች በበለጠ ፍጥነት እያደጉ መሆናቸው ታይቷል። የባንክ ባለሙያዎች እና የዘርፉ ተቋማት እንደሚሉት፣ ደንበኞች ከካርድ ይልቅ የሞባይል ባንኪንግን በመምረጥ ላይ መሆናቸው ለባንኮች የወጪ ቅነሳ አማራጮችን እየፈጠረ ነው።