የኢትዮጵያ ሲቪል ሰርቪስ የመንግስት ሰራተኞችን በብቃት ለመመዘን አዲስ መመሪያ አዘጋጀ

የኢትዮጵያ ሲቪል ሰርቪስ ኮሚሽን የመንግስት ሰራተኞችን በባህሪ፣ በክህሎት እና በአገልግሎት ለመመዘን የሚያስችሉ 18 አዳዲስ መመሪያዎችን ማዘጋጀቱን አስታውቋል። በአዲሱ አሰራር መሰረት ሰራተኞች በስራቸው ለመቆየት ወይም ለማደግ በየመስኩ ቢያንስ 70 በመቶ ውጤት ማምጣት ይጠበቅባቸዋል። እንዲሁም ከ90 በመቶ በላይ ላስመዘገቡ ሰራተኞች የሁለት እርከን እና ከ75-90 በመቶ ላመጡ የአንድ እርከን የደመወዝ ጭማሪ ይደረጋል። ምዘናው ሰራተኛን ለመቀነስ ሳይሆን አቅምን ለማሻሻል ያለመ መሆኑን ኮሚሽነር መኩሪያ ሃይሌ (ዶ/ር) ገልጸዋል። ፈተናውን ያላለፉ ሰራተኞች በስድስት ወር ውስጥ ዳግም የመፈተን እድል ይኖራቸዋል።