Midoork Invastimenti Gireepin doolara miiliyoona 390 ol argachuu beekame

Gireepin Invastimenti Midoork bara baajataa darbe keessa oomisha isaa irraa doolara Ameerikaa miiliyoona 390 ol argachuu isaa beeksiseera. Hoji gaggeessaan Korporeeti Komunikeshiinii fi Pormooshinii giddugalicha obbo Hunachoo Taayyee akka jedhanitti, dhaabbatichi waggoota 30 darban keessa dinagdee Itiyoophiyaa keessatti gahee olaanaa ba'aa tureera. Amma giddugalichi dhaabbilee 45 ol of keessatti qabachuudhaan damee oomishaa, qonnaa, tajaajilaa fi gabaa mana irratti bobba'ee jira. Dhaabbatichi lammiilee 80,000 ol ta'aniif carraa hojii uumee jira. Milkaa'ina kana mul'isuuf, guyyoota torbaaf kan turu agarsiisni fi baazaar qophiin Midoork Muddee 2, 2019 irraa eegalee Masqala Adaabbaayitti akka gaggeeffamu ibsameera.