ሚድሮክ ኢንቨስትመንት ግሩፕ ልዕሊ 390 ሚልዮን ዶላር ወፃኢ ሸርፊ ከምዝረኸበ ተገሊፁ

ሚድሮክ ኢንቨስትመንት ግሩፕ ኣብ ዝሓለፈ ዓመት በጀት ካብ ፍርያታቱ ልዕሊ 390 ሚልዮን ዶላር ወፃኢ ሸርፊ ከምዝረኸበ ኣፍሊጡ። ዳይሬክተር ኮርፖሬት ኮሙኒኬሽንን ፕሮሞሽንን እቲ ግሩፕ ኣቶ ሁናቸው ታየ ከምዝገለፅዎ፣ እቲ ትካል ኣብ ዝሓለፉ 30 ዓመታት ኣብ ኢኮኖሚ ኢትዮጵያ ዓቢ ግደ ከምዝነበሮ ገሊፆም። ትካሉ ሕዚ ኣብ ልዕሊ 45 ኩባንያታት ብምሓዝ ኣብ ማኑፋክቸሪንግ፣ ሕርሻ፣ ሆስፒታሊቲ፣ ኮንስትራክሽንን ሪል ስቴትን ተዋፊሩ ይርከብ። እቲ ትካል ንልዕሊ 80 ሽሕ ዜጋታት ዕድል ስራሕ ፈጢሩ ኣሎ። ንዓወታት እቲ ትካል ንምግላፅን ምስ ሕብረተሰብ ዘለዎ ዝምድና ንምጥንኻርን ካብ ጥቅምቲ 2/2019 ዓ.ም ጀሚሩ ንሓደ ሰሙን ዝፀንሕ ኤግዚቢሽንን ባዛርን ኣብ መስቀል ኣደባባይ ከምዝካየድ ተገሊፁ።