Komishiniin Diinagdee Afrikaa (ECA) marii eegumsa hawaasummaa irratti xumure

Komishiniin Diinagdee Afrikaa (ECA) fi gurguddoon qooda fudhattootaa, magaalaa Finfinnee keessatti guyyoota saddeetiif marii sadarkaa naannootti taasisaa turan xumuruun beekameera. Mariin kun ragaalee hiyyummaa garagaraa irratti hundaa'uun, sirna eegumsa hawaasummaa foyyee fi jijjiiramaa ta'e diriirsuurratti kan xiyyeeffate ture. Ogeeyyonnii fi hoggantoonni mootummaa, haguuggii tajaajilaa babal'isuu, qindoomina cimsuu fi maallaqa itti fufiinsa qabu argachuu irratti mari'ataniiru.