ዓለም አቀፍ የእንስሳት ሀብት ኤግዚቢሽን እና ኮንፍረንስ ሊካሄድ ነው

ከ14 ሀገራት የተውጣጡ ከ130 በላይ ተዋናዮች የሚሳተፉበት ዓለም አቀፍ የእንስሳት ሀብት እና እሴት ሰንሰለት ኤግዚቢሽን እና ኮንፍረንስ ሊካሄድ ነው። ዝግጅቱ ከጥቅምት 19 እስከ 21 ቀን 2019 ዓ.ም በአዲስ ኢንተርናሽናል ኮንቬንሽን ሴንተር እንደሚከናወን የግብርና ሚኒስቴር አስታውቋል።

ኤግዚቢሽኑ 15ተኛውን የዶሮ እርባታ (ኢትዮፔክስ)፣ 11ኛው የአፍሪካ የእንስሳት ሀብት አውደ ርዕይ፣ 6ተኛውን የአሳ እና የማር ኤክስፖዎች እንዲሁም የባዮ ኢነርጂ ንግድ ትርኢትን ያካተተ ነው። ዝግጅቱ በዘርፉ ያሉ የአገር ውስጥ እና የውጭ ኩባንያዎችን በማገናኘት ጠንካራ የሥራ ግንኙነት እና የገበያ ትስስር ለመፍጠር ያለመ ነው።