ዓለምለኻዊ ኤግዚቢሽንን ኮንፈረንስን ሃፍቲ እንስሳት ክካየድ እዩ

ልዕሊ 130 ተሳተፍቲ ካብ 14 ሃገራት ዝሳተፍዎ ዓለምለኻዊ ኤግዚቢሽንን ኮንፈረንስን ሃፍቲ እንስሳትን ሰንሰለት ዋጋን ክካየድ እዩ። እቲ መድረኽ ካብ ጥቅምቲ 19 ክሳብ 21 መዓልቲ 2019 ዓ.ም ኣብ ኣዲስ ኢንተርናሽናል ኮንቬንሽን ሴንተር ከምዝካየድ ሚኒስቴር ሕርሻ ኣፍሊጡ።

እቲ ኤግዚቢሽን መበል 15 ናይ ደርሆ እቶት (ኢትዮፔክስ)፣ መበል 11 ናይ ኣፍሪካ ኤግዚቢሽን ሃፍቲ እንስሳት፣ መበል 6 ናይ ዓሳን መዓርን ኤክስፖ ከምኡውን መበል 3 ናይ ባዮ-ኢነርጂ ንግዲ ምርኢት ዘጠቓለለ እዩ። እቲ ፍጻሜ ኣብቲ ዓውዲ ዝርከባ ውሽጣዊን ወፃኢን ኩባንያታት ብምትእስሳር ድልዱል ናይ ስራሕ ዝምድናን ናይ ዕዳጋ ምትእስሳርን ንምፍጣር ዝዓለመ እዩ።