የኢትዮጵያ ኤሌክትሪክ አገልግሎት 11 የኤሌክትሪክ ተሽከርካሪ መሙያ ጣቢያዎችን አስመረቀ

የኢትዮጵያ ኤሌክትሪክ አገልግሎት በስድስት ከተሞች ውስጥ የገነባቸውን 11 አዳዲስ የኤሌክትሪክ ተሽከርካሪ ኃይል መሙያ ጣቢያዎች አስመርቋል። ጣቢያዎቹ በአዲስ አበባ፣ ቢሾፍቱ፣ ሞጆ፣ ባቱ፣ አዳማ እና ሐዋሳ ከተሞች የተቋቋሙ ሲሆን በአንድ ጊዜ 96 ተሽከርካሪዎችን የመሙላት አቅም አላቸው።

ይህ የፕሮጀክት ማስፋፊያ ተቋሙ ካሉት ሌሎች ጣቢያዎች ጋር ተዳምሮ በአጠቃላይ 14 ጣቢያዎች እና በአንድ ጊዜ 150 ተሽከርካሪዎችን የማስተናገድ አቅም እንዲኖረው አድርጓል። ተቋሙ በቀጣይ የኃይል መሙያ ጣቢያዎችን ወደ 14 የክልል ከተሞች ለማስፋፋት ዕቅድ እንዳለው አስታውቋል።