Tajaajilli Elektrika Itoophiyaa buufataalee chaarjii konkolaataa elektrikaa 11 eebbise

Tajaajilli Elektrika Itoophiyaa buufataalee chaarjii konkolaataa elektrikaa haaraa 11 magaalaalee ja'a keessatti ijaare eebbiseera. Buufataaleen kunniin Finfinnee, Bishoftuu, Mojo, Baatuu, Adaamaa fi Hawaasaa kan argaman yoo ta'u, yeroo tokkotti konkolaattota 96 chaarjii gochuu danda'u.

Baballina kana waliin, tajaajilichi walumaagalatti buufataalee 14 fi konkolaattota 150 yeroo tokkotti tajaajiluu danda'u qabaateera. Dhaabbatichi gara fuulduraatti buufataalee chaarjii kana magaalaalee naannoo 14 birootti baballisuuf karoorfachuusaa ibseera.