የኢትዮጵያና ቤልጅየም የ120 ዓመታት የዲፕሎማሲ ግንኙነት በብራስልስ ተከበረ

ኢትዮጵያና ቤልጅየም የዲፕሎማሲ ግንኙነታቸውን የጀመሩበትን 120ኛ ዓመት በብራስልስ በልዩ ልዩ ፕሮግራሞች አክብረዋል። በዝግጅቱ የሁለቱን አገራት የትምህርትና የምርምር ትብብር የሚገመግም የአንድ ቀን ሴሚናር ተካሄዷል። የፍላሚሽ ዩንቨርስቲዎች ካውንስል (VLIR-UOS) ዳይሬክተር ክርስቲን ቬርብሩኸን እንደገለጹት፣ ባለፉት 25 ዓመታት ቤልጅየም ለኢትዮጵያ የከፍተኛ ትምህርት ተቋማት 62 ሚሊዮን ዩሮ ድጋፍ አድርጋለች። ትብብሩ በሰሜን ኢትዮጵያ በነበረው ጦርነትና የጸጥታ ችግሮች ምክንያት ቢስተጓጎልም፣ አሁንም 25 የትብብር ፕሮጀክቶች በስራ ላይ ይገኛሉ። ቤልጅየም ለወደፊቱም ኢትዮጵያን በትምህርት ዘርፍ ቅድሚያ ከሚሰጣቸው አገራት መካከል እንደምትቀጥል ተገልጿል።