ኣብ ሱፐር ማርኬታት ኤውሮጳ መጥቃዕቲ ሳይበር ተፈጺሙ

ኣብ ዝተፈላለያ ሃገራት ኤውሮጳ ኣብ ዝርከባ ዓበይቲ ሱፐር ማርኬታት ኣብ ዝርከቡ መኽዘናት ቀዝቂዝ (fridges) መጥቃዕቲ ሳይበር ተፈጺሙ። እቲ ቤልጂየማዊ ኩባንያ ሳብኮቤል ከም ዝገለጾ፡ እቲ መጥቃዕቲ ነቶም መኽዘናት ካብ ምዝሓል ንላዕሊ ንኸውዑይ ብምግባሩ፡ ብሚልዮናት ኤሮ ዝግመት መግቢ ከም ዝበላሾ ገይሩ እዩ። እቲ መጥቃዕቲ ከም ICA፡ Coop፡ ከምኡውን Carrefour ኣብ ዝኣመሰላ ፍሉጣት መኽዘናት ጉድኣት ዘብጽሐ ኮይኑ፡ ምስ ኢንተርነት ዝተኣሳሰሩን ንቑሕ ምክልኻል ዘይብሎምን መሳርሒታት ንኸምዚ ዝበለ መጥቃዕቲ ተቓላዕቲ ከም ዝኾኑ ክኢላታት ይሕብሩ። እቲ መጥቃዕቲ ሶፍትዌራት ዘይምሕዳስን ድኹም መሕለፊ ቃላትን (passwords) ንጠላፊታት መገዲ ከም ዝኸፍት እዮም ዝሕብሩ። ቤት ጽሕፈት ዓቃቢ ሕጊ ቤልጂየም ኣብቲ ጉዳይ ክርሚናል ምርመራ ዝጀመረ ኮይኑ፡ እቲ መጥቃዕቲ ፖለቲካዊ ወይ ቁጠባዊ ዕላማ ክህልዎ ከም ዝኽእል ግምታት ኣሎ። ከምዚ ዝበለ መጥቃዕቲ፡ ኣቕረብቲ ቴክኖሎጂን ትካላት ንግድን ውህደት ዘለዎ ስርዓት ምክልኻል ሳይበር ክዝርግሑ ከም ዘለዎም ዘነጽር እዩ።