ሌ/ጀነራል ጻድቃን ገብረትንሳይ ናይ ቃልሲ ሓላፍነቶም ከምዝወድኡ ኣፍሊጦም

ሌ/ጀነራል ጻድቃን ገብረትንሳይ ናይ ቃልሲ ሓላፍነቶም ከምዝወድኡ ኣብ መደበር ተለቪዥን ትግራይ (ቲ.ቢ.ኤስ) ኣብ ዝገበርዎ ቃለ መሕትት ኣፍሊጦም። "ሕጂ እዋኑ ናይ ደቅናን ንኡሳን ኣሕዋትናን እዩ" ዝበሉ ጀነራል፣ ስልጣን ንሓድሽ ወለዶ ክሰጋገርን ባህሊ ዲሞክራሲ ክዓምብብን ከምዝግባእ ኣተሓሳሲቦም። ካብዚ ንደሓር ዝኾነ ሕቶ ህዝቢ ብሰላማዊ መገዲ ጥራይ ክፍታሕ ከምዝግባእ ኣተሓሳሲቦም። ብውግእ ዝፍታሕ ሕቶ ህዝቢ ከምዘየለ ዝገለጹ ጀነራል፣ ካብዚ ንደሓር ምስ ዝኾነ ትካል ሓይሊ ሰሊፎም ኣጽዋር ከምዘየልዕሉ ኣረዲኦም። እንተኾነ ግና፣ ትግራይ ኣብ ትጽውዓሉ ናይ ምኽርን ዕርቅን ስራሕቲ ንምስታፍ ድሉው ከምዝኾኑ ገሊጾም።