መንግስቲ ካብ ህወሓት ዝተማረኹ ዘበሎም ኣጽዋር ንዲፕሎማታት ኣርእዩ

መንግስቲ ኢትዮጵያ ካብ መስከረም 13, 2019 ጀሚሩ ኣብ ሰሜን ኢትዮጵያ ኣብ ዝተኻየደ ኲናት ካብ ህወሓት ዝተማረኹ ዝበሎም ብዙሓት ኣጽዋር ንዲፕሎማታትን ወተሃደራዊ ኣታሼታትን ኣብ ቃሊቲ ኣርእዩ። ብሚኒስቴር ጉዳያት ወጻኢ ብዝተወደበ እዚ መደብ፡ ብድምር ብ180 ተሽከርከርቲ ዝተጻዕኑ ኣጽዋር ከምዝተማረኹ ዝተገለጸ ኮይኑ፡ ሎሚ ንምርኢት ዝቐረቡ ግና ናይ 30 ተሽከርከርቲ ጽዕነት እዮም። ኣምባሳደር መለስ ዓለም፡ እቶም ኣጽዋር ግብጺ፡ ኤርትራን ሱዳንን ንህወሓት ደገፍ ከምዝገብራሉ ዘርእዩ ምዃኖምን ኢትዮጵያ ኣብ ልዕሊ ሉኣላውነታ ዝተፈጸመ መጥቃዕቲ ክትከላኸል ከምዝኾነትን ገሊጾም። መንግስቲ ኤርትራ ንመራሕቲ ህወሓት ካብ ምዕቋብን ኣብ ውሽጣዊ ጉዳይ ኢትዮጵያ ካብ ምእታውን ክትቁጠብ ኣጠንቂቑ።