ECA biyyoonni Afrikaa karoora isaanii keessatti odeeffannoo fi lakkoofsa akka dursa kennan gaafate

Geggeessaan Komishinii Dinagdee Afrikaa (ECA) Kilavar Gaatetee, gubii 10ffaa Komishinii Staaatistiksii Afrikaa Finfinneetti gaggeeffame irratti, biyyoonni Afrikaa karoora isaanii keessatti odeeffannoo dhugaa irratti hundaa'e akka dursa kennan gaafataniiru. Gaateteen, odeeffannoon sirrii ta'e yoo dhabame, qabeenyi mootummaa bakka hin geenyeetti akka qisaasa'uufi carraan diinagdee akka darbu akeekkachiisaniiru.

Gaateteen, ragaa lakkoofsa uummataa, galmee daldalaafi kaartaa lafaa walitti makuun karoora misoomaa fooyyessuun akka barbaachisu ibsaniiru. Ministirri Maallaqaa Ruwaandaa Yuusuuf Muuraangwaas, dhimmuma kana irratti ergaa dabarsaniin, ragaa malee murtoon darbu gatii guddaa akka gaafatu ibsuun, dhaabbileen istatistiksii deeggarsa maallaqaafi bilisummaa hojii akka argatan gaafataniiru.