ኮሚሽን ኢኮኖሚ ኣፍሪካ (ECA) ሃገራት ኣብ ውጥን ልምዓተን ስታቲስቲክስ ቀዳምነት ክህባ ኣተሓሳሲቡ

ዋና ጸሓፊ ኮሚሽን ኢኮኖሚ ኣፍሪካ (ECA) ክሊቨር ጋቴቴ ኣብ ኣዲስ ኣበባ ኣብ ዝተኻየደ መበል 10 ጉባኤ ስታቲስቲክስ ኣፍሪካ ኣብ ዘስምዕዎ መደረ፡ ሃገራት ንውጥን ልምዓተን ብቑዕ ሓበሬታ ንኽጥቀማ ኣተሓሳሲቦም። ጋቴቴ ዘይተማለአን ዝወረደን ሓበሬታ ንመንግስታት ናብ ግጉይ ምምዳብ ጸጋታት ከምኡውን ናብ ምጥፋእ ዕድላት ዕቤት ኢኮኖሚ ከምዘምርሕ ኣጠንቂቖም።

ንሳቶም ሃገራት ሓበሬታ ቆጽራ ህዝቢ ምስ ብሄራዊ መለለዪ፡ መዝገብ ንግዲን ካልኦት ጂኦስፓሻል ሓበሬታታትን ብምውህሃድ ንፖሊሲታት ከምዝሕግዝ ኣረዲኦም። ሚኒስተር ፋይናንስ ሩዋንዳ ዩሱፍ ሙራንግዋ እውን ኣብቲ ጉባኤ ኣብ ዘስምዕዎ መደረ፡ ብዘይ ሓቀኛ መርትዖ ዝውሰኑ ውሳኔታት ከቢድ ዋጋ ከምዘለዎ ብምግላጽ፡ ንትካላት ስታቲስቲክስ ፖለቲካዊ ናጽነትን ምወላን ክወሃብ ኣለዎ ኢሎም።