የኢትዮጵያ የኦዲት ስርዓትን ለማዘመን ዓለም አቀፍ ትብብር ወሳኝ መሆኑ ተገለጸ

የአለም አቀፍ የጠቅላይ ኦዲት ተቋማት ልማት ተነሳሽነት (IDI) ከፍተኛ ስራ አስኪያጅ ሙሀመድ ዳቦ፣ ኢትዮጵያ የኦዲት አቅሟን ለማሳደግ ዓለም አቀፍ የትብብር ግንኙነቶችን ማጠናከር እንዳለባት ገለጹ። ባለሙያው እንደተናገሩት፣ በክልላዊ እና ዓለም አቀፍ የኦዲት ተቋማት ውስጥ ንቁ ተሳትፎ ማድረግ፣ የቴክኒክ ድጋፍ ለማግኘት እና ልምድ ለመለዋወጥ ያስችላል። ኦዲት የህዝብ ሃብትን ለመጠበቅ የቁጥጥር ስራ እንደሚሰራ የገለጹት ዳቦ፣ ነገር ግን ውጤታማ የሚሆነው ፓርላማ፣ ፍርድ ቤቶች እና የፀረ-ሙስና ኤጀንሲዎች በኦዲት ግኝቶች ላይ እርምጃ ሲወስዱ ብቻ እንደሆነ አስገንዝበዋል። ኢትዮጵያ በነዚህ መድረኮች በመሳተፍ የራሷን ልምድ ከማካፈል ባለፈ፣ ከሌሎች አገራት ምርጥ ተሞክሮዎችን በመቅሰም የአገሪቱን የኦዲት ስታንዳርድ ማሻሻል እንደምትችል ተጠቁሟል።