Komishiniin Marii Biyoolessaa Itoophiyaa hojiisaa xumuruusaa beeksisuu

Komishiniin Marii Biyoolessaa Itoophiyaa ergamasaa xumuruusaa Komishinerri Olaanaan Pirofeesar Mesfin Ar'aayaa beeksisaniiru. Komishinichi marii taasifameen hirmaattota 4,000 irratti hirmaachisee yaada furmaata 394 akka walitti qabe ibsameera. Hojiin kun ijaarsa biyyaa fi sirna dimookiraasii irratti bu'uura cimaa kan kaa'e ta'uusaa hoggantoonni komishinichaa ibsaniiru.

Ji'oota dhufan keessatti yaadoonni walitti qabaman karaa dijitaalaan qophaa'anii qaamolee dhimmi ilaalu, mootummoota naannoolee, bulchiinsa magaalotaa fi qorannooleef akka dhiyaatan ibsameera. Komishinarri Ittaantuun Hiruut Gabrasillaasee gamasaaniin, mariin kun hafuura waliigaltee fi tokkummaa biyyaalessaan kan gaggeeffame adeemsa seena qabeessa ta'uusaa ibsaniiru.