ኮሚሽን ሃገራዊ ምይይጥ ኢትዮጵያ ስርሑ ከምዘጠናቀቐ ኣፍሊጡ

ኮሚሽን ሃገራዊ ምይይጥ ኢትዮጵያ ዝተዋሃቦ ተልእኾ ከምዘጠናቀቐ ዋና ኮሚሽነር ፕሮፌሰር መስፍን ኣርኣያ ኣፍሊጦም። እቲ ኮሚሽን ኣብቲ መስርሕ 4,000 ተሳተፍቲ ዘሳተፈ እንትኸውን 394 ለበዋታት ከምዝተረኽቡ ገሊጾም። እቲ መስርሕ ንህንጸት ሃገርን ዲሞክራሲያዊ ስርዓትን መሰረት ዝጣለ ምዃኑ እቶም ኮሚሽነር ተዛሪቦም።

ኣብ ዝቕጽሉ ወርሓት እቶም ዝተረኽቡ ለበዋታት ብዲጂታል መገዲ ተዳልዮም ንኣካላት ፈጻሚ ስልጣን፣ ንክልላትን ምምሕዳር ከተማታትን ከምኡውን ንምርምር ስራሕቲ ተበጻሒ ከምዝግበሩ ተገሊጹ። ምክትል ኮሚሽነር ሂሩት ገብረሰላሴ ብወገነን፣ እቲ መስርሕ ብስምምዕን ብመንፈስ ሃገራዊ ሓድነትን ዝተኻየደ ታሪኻዊ መስርሕ ከምዝነበረ ገሊጸን።