የብሄራዊ መረጃና ደህንነት አገልግሎት ዋና ዳይሬክተር በታና ፎረም ስለ ቀጠናው ሰላም ተናገሩ

የብሄራዊ መረጃና ደህንነት አገልግሎት ዋና ዳይሬክተር አምባሳደር ሬድዋን ሁሴን በታና ፎረም ልዩ ልዑካን ውይይት ላይ ንግግር አድርገዋል። አምባሳደር ሬድዋን የሆርን ኦፍ አፍሪካ ቀጠና በሀብት የተሞላ ቢሆንም በውጭ ኃይላት ጣልቃገብነት እና በአለመረጋጋት ስጋት ውስጥ እንደሚገኝ አስጠንቅቀዋል። በተለይም በቀይ ባህር አካባቢ የሚስተዋለው ወታደራዊ እንቅስቃሴ እና የንግድ መርከቦች ላይ የሚደርሰው ስጋት ለኢትዮጵያ ስጋት መሆኑን አንስተዋል።

የቀይ ባህር ደህንነት በጥቂት የባህር ዳርቻ ሀገራት ብቻ ሊወሰን እንደማይገባ አሳስበው፣ የጋራ የትብብር ስራ አስፈላጊ መሆኑን አስረድተዋል። ኢትዮጵያ የባህር በር የሌላት እንደመሆኗ መጠን ለቀጠናው ሰላም እና ለኢኮኖሚ ውህደት የላቀ ፍላጎት እንዳላት ገልጸዋል። በመጨረሻም የሀገሪቱን ለቀጠናው ሰላም ያላትን ቁርጠኝነት በማረጋገጥ፣ በቀጣይ በጋራ ለመስራት ዝግጁ መሆኗን አረጋግጠዋል።