ዋና ዳይሬክተር ደህንነት ሃገር ኣብ ታና ፎረም ብዛዕባ ሰላም ቀርኒ ኣፍሪቃ ኣመልኪቶም ተዛሪቦም

ዋና ዳይሬክተር ኣገልግሎት ሃገራዊ መረዳትን ጸጥታን ኣምባሳደር ሬድዋን ሁሴን ኣብ ታና ፎረም ልዩ ልኡካን ዘረባ ኣስሚዖም። ኣምባሳደር ሬድዋን ቀርኒ ኣፍሪቃ ብሃብቲ ዝተዓደለ እኳ እንተኾነ ብኢድ ኣእታውነት ወፃኢ ሓይልታትን ዘይምርግጋእን ኣብ ሓደጋ ከምዘሎ ኣጠንቂቖም። ብፍላይ ኣብ ቀይሕ ባሕሪ ዝርአ ዘሎ ወታደራዊ ምንቅስቓስን ኣብ ልዕሊ ንግዲ መርከባት ዝበጽሕ ዘሎ ሓደጋን ንኢትዮጵያ ከምዘሻቅል ገሊፆም።

ድሕንነት ቀይሕ ባሕሪ ብውሑዳት ሃገራት ባሕሪ ጥራይ ዝውሰን ኣይኮነን ብምባል፡ ናይ ሓባር ስራሕ የድሊ ኢሎም። ኢትዮጵያ መውጽኢ ባሕሪ ዘይብላ ሃገር ከም ምዃና መጠን ንሰላም ቀርኒ ኣፍሪቃን ንቁጠባዊ ውህደትን ዓቢ ተገዳስነት ከምዘለዋ ኣመልኪቶም። ኣብ መወዳእታ ኢትዮጵያ ንሰላም እቲ ዞባ ዘለዋ ቆራጽነት ብምርግጋጽ፡ ንቕድሚት ብሓባር ንምስራሕ ድልውቲ ከምዝኾነት ኣረጋጊፆም።