Itoophiyaan giddu gala oomisha oomisha fayyaa Afrikaa ta'aa jirti jedhame

Addis Abbaatti kan gaggeeffame 'African Healthcare Manufacturing Trade Exhibition and Conference (AHMTEC 2026)' irratti kan argaman ogeessi Doktar Baartoon, Itoophiyaan damee oomisha fayyaatiin Afrikaa keessatti bakka guddaa qabaachaa akka jirtu dubbatan. Keessattuu mootummaan Itoophiyaa waggoota sadan darban keessa sirna maallaqa alaa, danbiiwwan invastimantii fi dhimmoota qabeenyummaa irratti jijjiirama gochuun isaa carraa invastimantii guddaa uumuu isaa ibsaniiru. Itoophiyaan kanaan dura rakkoo daldalaan kan beekamtu ta'us, amma garuu investarootaaf biyya filatamtuu ta'uu ishee kaasaniiru. Afrikaan oomisha dawaa fi talaallii ofii ishee akka dandeessuuf carraaqqii taasifamu keessatti Itoophiyaan qooda guddaa qabaachuu akka qabdu dubbataniiru. Dhuma irrattis, biyyattiin dandeettii ofii ishee guddisuuf barnoota olaanaa fi qorannoo irratti xiyyeeffachuu akka qabdu dhaamaniiru.