Tanzaaniyaan muuxannoo Itoophiyaa gargaarsa AI fayyadamuun dhaddacha gaggeessuu fudhachuuf fedhii qabdi

Ergamtoonnii Tanzaaniyaa mana murtii bulchiinsa gabaa kaappitaalaa Itoophiyaa daawwachuun, Itoophiyaan tajaajila AI fayyadamtee dhaddacha gaggeessuu irratti muuxannoo jiru fudhachuuf fedhii qabaachuu ibsaniiru. Mana murtichatti, sagalee gara barreeffamaatti jijjiiruuf AI kan fayyadamu yoo ta'u, sirni kun amansiisummaa 87% irra ga'uu isaa himameera.

Ergamtootni kun gama biraatiin, Itoophiyaa keessatti waldaaleen gabaa kaappitaalaa fi gabaan oomishaale qonnaa akkamitti akka gurmaa'an daawwataniiru. Tanzaaniyaan, adeemsa mana murtii isaanii ammayyeessuu fi walitti bu'iinsa gabaa kaappitaalaa saffisaan furuuf, teeknoolojiiwwan Itoophiyaan fayyadamtu kana fudhachuuf karoorfattetti.