Sagantaan barnoota injifannoo Adwaa manneen barnootaa keessatti jalqabamuuf jira

Waajjirri yaadannoo injifannoo Adwaa, dhaloota haaraa injifannoo Adwaa, tokkummaa Itoophiyaa fi seenaa waliinii barsiisuuf sagantaa addaa manneen barnootaatti babal'isuuf qophiirra jira. Qajeelchaan qorannoo yaadannoo Adwaa Mekuwanant Tilaahun akka ibsanitti, sagantaan kun dargaggoonni seenaa hubatanii biyya ijaaruuf akka kaka'an gargaara. Kanaafuu, Bulchiinsa Magaalaa Finfinneetti Biiroo Barnootaa waliin waligaltee mallatteessuuf hojiin jalqabameera. Sagantaan kun manneen barnootaa sadarkaa tokkoffaa fi lammaffaa kan hammattu yoo ta'u, barnoota dhaabbilee olaanoottis babal'isuuf carraaqqiin godhamaa jira. "Marii Adwaa" jedhamus ji'a Guraandhalaatti kan gaggeeffamu ta'a.