Qabsoo Irreechaa keessatti shoora Abbaa Gadaa Bayyanaa Sanbatoo yaadatame

Ayyaanni Irreechaa milkiidhaan waan irratti gammadamuuf, shoora Abbaan Gadaa Bayyanaa Sanbatoo sirna Gadaafi Irreecha deebisanii gabbisuu keessatti taphatan yaadachuun barbaachisaa ta'uun ibsameera. Bara 2015 keessa gara Ameerikaatti affeeramanii dhufuudhaan haala fuulduraa irratti marii waan godhaniif yaadatamaniiru. Yeroo sana hawwiin isaanii inni guddaan ayyaana Irreechaa gara Finfinneetti deebisuu ta'uu haasa'anii turan. Hawwii isaanii kana milkeessuuf waan hojjataniif, jijjiirama dhufeen booda Irreecha Finfinneetti irreeffachuun danda'ameera.