Ayyaana Irreechaa Irratti Gareen Jeequmsaafi Reebicha Raawwate Akeekkachiisa Uume

Gareen fuula dhokfateefi ifatti Ayyaana Irreechaa irratti hirmaattota reebaafi jeeqaa ture waajjira Paartii Bilxiginnaa Oromiyaafi Liigii Dargaggootaan kan ijaarame ta'uun ibsameera. Gareen kun aanaaleefi godinaalee Oromiyaa adda addaa, keessattuu Shawaa Lixaafi Magaalaa Shaggar irraa filamanii bajata mootummaatiin durgoon kaffalamaafii gara Finfinneetti geeffaman. Dargaggoonni kun mooraa waajjira paartiifi Galma Giddu-gala Aadaa Oromoo keessa qubsiifamuun gara Dirree Masqalaatti bobbaafamaniiru. Gareen kun sirba mootummaa faarsu sirbuun, dargaggoota sirba qabsoo sirban shimalaan reebuu fi bittinsuun jeequmsa uumuun isaanii eerameera. Akka gabaasichatti, nageenya ayyaanichaa Abbootii Gadaa (Foollee) fi poolisoota idileetiin eegsisuu dhiisaanii paartiin dhimma keessa galuun ummata dallansiiseera.