ኣብ በዓል እሬቻ ዕግርግርን መጥቃዕትን ፈፂሞም ዝበሃሉ ጉጅለታት ቅሬታ ኣልዒሎም

ኣብ በዓል እሬቻ ንዝተሳተፉ ሰባት ዝሃርሙን ዕግርግር ዝፈጥሩን ዝነበሩ ወገናት ብቤት ፅሕፈት ፓርቲ ብልፅግና ኦሮምያን ሊግ መንእሰያትን ዝተወደቡ ምዃኖም ሓደ ፀብፃብ ገሊፁ። እዞም ጉጅለታት ካብ ዝተፈላለዩ ዞባታትን ወረዳታትን ኦሮምያ ተኣኻኺቦም ብመንግስቲ ባጀት ኣበል እናተከፈላቶም ናብ ኣዲስ ኣበባን መስቀል ኣደባባይን ከምዝተኣታተዉ ተገሊፁ ኣሎ። እቲ በዓል ብኣቦታት ገዳን (ፎሌ) መደበኛ ፖሊስን ካብ ምክልኻል ንላዕሊ ፓርቲ ኣብቲ ጉዳይ ምእታዉ ንህዝቢ ከምዘቖጠዐ ተገሊፁ። እዞም መንእሰያት ንመንግስቲ ዝደግፉ ደፌሳታት እናዘመሩ ንኻልኦት ባህላዊ ደርፍታት ዘንፀባርቁ መንእሰያት ብበትሪ ከምዝሃረሙ ተሓቢሩ።