መከላከያ ሰራዊት በትግራይ እገላ ወረዳ የተደበቁ የህወሃት የጦር መሳሪያዎችና ተሽከርካሪዎችን በቁጥጥር ስር አዋለ

የኢትዮጵያ መከላከያ ሠራዊት በትግራይ ክልል ማዕከላዊ ዞን፣ እገላ ወረዳ ውስጥ የህወሃት ታጣቂዎች ደብቀዋቸው የነበሩ በርካታ ወታደራዊ ንብረቶችን በቁጥጥር ስር አውሏል። የህዝብ ጥቆማን መሰረት በማድረግ በተደረገው ፍተሻ፣ የተለያዩ የጦር ተሽከርካሪዎችን ጨምሮ ከባድ መሳሪያዎች ተገኝተዋል።

በሠራዊቱ እጅ ከገቡት መካከል የኦራል፣ የውሃ ቦቲ፣ የFSR፣ የሲኖትራክ፣ የቮልቮ መኪኖች፣ አምቡላንስ እና ፓትሮል ይገኙበታል። በተጨማሪም 122 ሚ.ሜ መድፍ፣ 107 ሚ.ሜ ሮኬት፣ የክላሽ ጥይት፣ የአርፒጂ እና የሞርተር ቅምቡላዎች እንዲሁም የዙ23 ጥይቶች መያዛቸውን መረጃው ያመለክታል።