Raayyaan Ittisa Biyyaa naannoo Tigraay, aanaa Egelaa keessatti meeshaalee waraanaa fi konkolaataa TPLF dhoksanii turan too'annoo jala oolche

Raayyaan Ittisa Biyyaa (RIB) naannoo Tigraay, godina giddu galeessaa aanaa Egelaa keessatti meeshaalee waraanaa fi konkolaataa loltoota TPLF dhoksanii turan too'annoo jala oolcheera. Qorannoo fi sakatta'iinsa raayyaan ittisaa ummata irraa odeeffannoo argateen kun gaggeeffameera.

Meeshaalee too'annoo jala oolan keessatti konkolaataawwan waraanaa kan akka Ooraal, konkolaataa bishaanii, FSR, Siinotiraak, Volvoota, konkolaataa harkifatuu, paatrootii fi ambulaansota argamu. Kana malees, meeshaaleen waraanaa gurguddoon kan akka meeshaa waraanaa 122mm, rookeetii 107mm, rasaasa kilaashii, rasaasa RPG, fi rasaasa mortera 82mm qabatamanii jiru.