Bulchiinsi Yeroo Tigraay Kaffaltii Mindaa Hojjettootaa Jalqabsiisuu Beeksise

Bulchiinsi yeroo Tigraay mindaa hojjettoota tajaajila sivilii kaffaluu akka jalqabu beeksiseera. Hojii raawwachiisaa olaanaa damee siyaasaa fi gurmaa'ina ummataa bulchiinsichaa, Obbo Rada'ii Haalafom, qorannoon barbaachisaa ta'e xumuramee tajaajilli mootummaa akka hojiitti galu qajeelfamni kennameera jedhaniiru.

Mootummaan hojjettoonni mootummaa hundi gara bakka hojii isaaniitti deebi'anii akka gabaasan ajajeera. Obbo Rada'iin akka ibsanitti, hojjettoonni hojiitti erga deebi'anii booda guyyoota muraasa keessatti mindaan kaffalamuufii kan jalqabu ta'a.