Dimtsi Weyane Tigray maqaa haarawa 'Ma'edot Broadcasting' jedhuun hayyama argate

Abbaan taayitaa miidiyaa Itoophiyaa raadiyoo fi televijinii Dimtsi Weyane Tigray kan durii, maqaa haarawa 'Ma'edot Broadcasting Service' jedhuun hayyama raadiyoo fi televijinii argachuu isaa beeksiseera. Kana dura hayyamni keenyichaa qabiyyee seeraan alaa fi meeshaa waraanaa ta'uun tajaajiluu isaatiin kan haqame ture. Abbaan taayitaa kun gaaffii bulchiinsa yeroo naannoo Tigraay dhiyeesse erga qoratee booda akka fudhate ibseera. Bulchiinsi naannichaa jijjiirraan maqaa kun dhaabbatichi nagaa fi tasgabbii naannichaaf gumaacha gaarii akka taasisuuf kan yaadame ta'uu ibseera. Abbaan taayitaa kun hayyama kennuu isaa ifa godhee, qaamoleen dhimmi ilaallatu hundi akka tumsan waamicha dhiyeesseera.