አዲስ አበባ የ2026 የከተሞች ዘላቂ ልማት ዓለም አቀፍ ሽልማትን ማግኘቷ ተገለጸ

የጠቅላይ ሚኒስትር ጽሕፈት ቤት አዲስ አበባ የ2026 የከተሞች ዘላቂ ልማት ዓለም አቀፍ ሽልማት (2026 Global Award for Sustainable Development in Cities) ማግኘቷን አስታወቀ። ይህ እውቅና በከተማዋ የታየውን ዕድገትና ቀጣይነት ያለው ለውጥ የሚያሳይ ታሪካዊ ምዕራፍ መሆኑን ተገልጿል። ጽሕፈት ቤቱ በከተማዋ የተገኘው ድል ለኢትዮጵያ ታላቅ ኩራት መሆኑን በመጥቀስ፣ የከተማዋን ልዩ ታሪክና ቅርስ በመጠበቅ ዘመናዊና አካታች የልማት ስራዎችን አጠናክሮ መቀጠል እንደሚያስፈልግ አሳስቧል። ይህ ዓለም አቀፍ እውቅና ወደፊት ለሚከናወኑ የልማት ስራዎች መነሳሳትን እንደሚፈጥር ታምኖበታል።