ኣዲስ ኣበባ ናይ 2026 ዓለምለኻዊ ሽልማት ቀጻሊ ምዕባለ ከተማታት ረኺባ

ቤት ጽሕፈት ቀዳማይ ሚኒስትር፡ ኣዲስ ኣበባ ናይ 2026 ዓለምለኻዊ ሽልማት ቀጻሊ ምዕባለ ከተማታት (2026 Global Award for Sustainable Development in Cities) ከምዝረኸበት ኣፍሊጡ። እዚ እውቅና ኣብ ከተማ ኣዲስ ኣበባ ዝተራእየ ዕብየትን ቀጻሊ ለውጥን ዘረጋግጽ ታሪኻዊ ምዕራፍ ምዃኑ ተገሊጹ። ቤት ጽሕፈት እቲ ዓወት ንኢትዮጵያ ዓቢ ሓበን ምዃኑ ብምግላጽ፡ ታሪኽን ቅርሲን ከተማ ብምሕላው ዘመናውን ኩሉ ዘጠቓለለ ልምዓት ምቕጻል ከምዘድሊ ኣተሓሳሲቡ። እዚ ዓለምለኻዊ እውቅና ንመጻኢ ንዝግበር ናይ ልምዓት ስራሕቲ መተባብዒ ከምዝኾነ ተገሊጹ።