የአዲስ አበባ ትራፊክ ማኔጅመንት ባለስልጣን እንዲታጠፍ ተወሰነ

የአዲስ አበባ ከተማ አስተዳደር ምክር ቤት ባፀደቀው አዲስ አዋጅ የትራፊክ ማኔጅመንት ባለስልጣን እንዲታጠፍ ወሰነ። ውሳኔው የተላለፈው የትራፊክ ህግ ማስከበር ስራ ላይ የነበረውን የመልካም አስተዳደር ችግርና የተበታተነ አሰራር ለመቅረፍ ነው። የተቋሙ ስልጣንና ኃላፊነቶች ለከተማዋ ትራንስፖርት ቢሮ፣ ለመንገዶች ባለስልጣን እና ለአዲስ ለሚቋቋመው የትራንስፖርት ማኔጅመንት ማዕከል ይተላለፋሉ።

ከ1,200 በላይ ሰራተኞች ያሉት ባለስልጣኑ፣ ዝርዝር የአፈጻጸም መመሪያው ገና እንዳልደረሰው ገልጿል። የባለስልጣኑ አመራሮች ስለ ሰራተኞቹ ቀጣይ ዕጣ ፈንታ መረጃ እንደሌላቸውና ማስተካከያው ከተጠናቀቀ በኋላ ይፋ እንደሚደረግ አስታውቀዋል።