ኣብዲስ ኣበባ በዓል ስልጣን ትራፊክ ማኔጅመንት ከምዝቃረጽ ተወሰነ

ቤት ምኽሪ ምምሕዳር ኣዲስ ኣበባ ኣብ ዘጽደቖ ሓድሽ ኣዋጅ፡ በዓል ስልጣን ትራፊክ ማኔጅመንት ንኽቃረጽ ወሲኑ። እቲ ውሳነ ኣብ ስራሕ ምኽባር ሕጊ ትራፊክ ዝነበረ ናይ ጽቡቕ ምምሕዳር ጸገማት ንምፍታሕ ዝዓለመ እዩ። ስልጣንን ሓላፍነትን እቲ ትካል ናብ ቢሮ ትራንስፖርት እታ ከተማ፡ በዓል ስልጣን መንገድታትን ንሓድሽ ንዝውደብ ማእከል ትራንስፖርት ማኔጅመንትን ክሰጋገር እዩ።

ልዕሊ 1,200 ሰራሕተኛታት ዘለዎ እቲ ትካል፡ ዝርዝር መምርሒ ተፈጻምነት ገና ከም ዘይበጽሖ ኣፍሊጡ። መራሕቲ እቲ ትካል ብዛዕባ ቀጻሊ ዕጫ እቶም ሰራሕተኛታት ሓበሬታ ከም ዘይብሎምን፡ እቲ ናይ ሪፎርም መጽናዕቲ ምስ ተወደአ ብዝርዝር ከም ዝግለጽን ገሊጾም ኣለዉ።